Kampoeng

营业中

休息中

对印尼菜认识只有印捞的我，发现香港原来有地道高质印尼菜！朋友系铜锣湾地胆，教我嚟糖街呢间印尼餐厅，估唔到原来在地库，系咁大间，仲装修得几靓。粟米饼好大块好多粟米，超脆口，烟烟靭靭。酥炸豆腐呢个好似平时食嘅臭豆腐，炸得几脆口。香辣烤鸡Ayam Taliwang职员提醒呢个印尼香辣烤鸡超辣，怕我哋食唔到。但系我同朋友本身食得辣，听完更加想挑战一下！鸡皮上面嘅酱料酸酸辣辣，越食越惹味！系辣得嚟好过瘾！印尼酱烧鱼 Ikan Bakar Kecap今餐饭最欣赏呢条鱼，第一次试用印尼酱料烧嘅鱼，鱼皮烧得刚刚好，唔会烧得太干。配嘅酱料好辣，但系辣得嚟好衬烧鱼，十分滋味。钟意食鱼嘅我，太迟发现原来印尼酱烧鱼系咁出色，仲要只系68蚊，好抵食！印尼特式炒饭炒饭粒粒分明，印尼酱油够香，只荷包蛋仲几靓！椰青去唔到东南亚旅行，唯有嗌番个椰青止下旅行瘾。估唔到又几清甜，最后连椰肉都食埋。原来食印尼菜嘅性价比都几高，2个人平均每人先百几蚊，可以嗌倒咁多款小食同特色菜，下次嚟铜锣湾谂唔到食咩都会再嚟，因为坐得真系几舒服，又多位。