戀茶舍 (兼善里) (已結業)

芝士玫珑脆啵啵一开头唔知系咩，问左店员原来系蜜瓜沙冰，最中意蜜瓜既我即刻决定要试下佢。拎上手好大杯，奶盖厚厚一层超吸引。拿拿声番到屋企上饮，首先饮到底层既蜜瓜沙冰，后尾仲咬到啲好爽口既啵啵珠，冇珍珠咁烟韧但都好有口感，我中意呢个多过珍珠。揭开盖饮个奶盖，咸咸地既芝士奶盖好幼滑又浓厚，忍唔住系咁饮系咁饮，下次要加奶盖先得。奶盖系列仲有芝芝芒芒、芝芝草莓，好想试晒佢呀。买左杯清清地既碳香乌龙茶比妈咪，加左佢最中意既芋圆。饮左啖真系有淡淡既碳烧香味，芋圆好烟韧，都唔错。