楚撚記大排檔

营业中

休息中

同邻居打紧羽毛球，突然有人话想食呢间小菜馆。不过话好难book就想放弃。好耐之前已经上市呢一间，咁就打电话去碰碰运气。点知又俾我book到即晚嘅8:30。打完波就满心欢喜出去食饭。因为得三个人唔叫得多，今次就是住少少先。黄金粟米，味道系冇得输嘅，不过就略嫌佢唔够干身。菠萝猪大肠，呢度处理得几好个外皮炸得好脆里便又唔会太韧。最重要嘅佢唔似得出边啲小炒店，炸到好似柴咁跟住又俾啲肠尾完全冇肉食。另外邻居点咗个猪油捞饭，但系佢餐牌有个经典嘅。我就口痕问吓有咩分别原来经典嘅话系自己即场捞。咁梗系自已捞过瘾啦。即捞即食先至够香，最终都冇令我失望，真系好好食。另外叫咗个牛仔骨煲，一试佢个黑椒汁，即刻想嗌碗白饭嚟捞汁。不过控制咗自己，因为打完波都系唔好食咁多碳水化合物，点知佢下边用粉丝垫底索晒啲黑椒汁，真系好食到癫咗。跟住邻居唔够喉，后尾加多咗个黑松露墨鱼饼，系几香嘅同埋有诚意，里面真系见到有墨鱼粒，不过就细咗少少。整体嚟讲呢餐超满足。事次为自费用膳。