樂園魚蛋粉

营业中

休息中

早左出门口又无食早餐，到食晏前已经肚饿。所以就食啲粉面顶一顶肚先😂😂。未到12点，但都好满人。不过等一阵就入得了🥰。啱啱走咗一转人，就到我哋入去了。餐牌主打粉面，但原来饭都有唔少。见佢仲有啲推介既新野添！最后叫咗个牛腩云吞河同新嘅黄金墨鱼春卷加韮菜饺河。先黎两杯冻奶茶，茶味香浓又唔会太苦涩，夏天一饮个人都凉翻晒🥰。春卷韮菜饺河，啲春卷同水饺都大大件，好扺食！春卷入面有粟米同马碲粒，仲有啲弹牙既墨鱼粒，好好味😍。水饺皮滑，入面好重韮菜味，好香好好味。牛腩河又浓浓既牛腩汤底，所以啲粉都好有牛腩香味。呢度啲牛腩系最出色，肉味香浓，咬落又够淋重要唔黐牙。仲要有少少肥连住，食落连埋啲油香😋😋😋。云吞有大大只虾，好满足😊。食完够哂饱，又可以继续行街😂。