六福菜館

营业中

休息中

同几个朋友突然好想食海鲜，就决定去西贡觅食！朋友见呢间食评唔错，所以订咗位一齐试一试，果然几有惊喜🙆🏻‍♀️餐厅系楼上舖头，唔系大排档形式，所以相对比较干净企理，座位都好宽敞🙆🏻‍♀️我哋点咗豉油王炒龙虾球，龙虾系用南澳龙虾，非常大只，肉质好弹牙，而且厚实，食到啖啖肉同鲜甜味！调味方面，虽然用豉油王，但完全唔会抢咗龙虾嘅鲜味，反而令整体更加香口🙆🏻‍♀️西兰花虽然好似伴碟，但佢吸收晒龙虾酱汁，非常入味同惹味😳食完龙虾肉之后，龙虾头会拆肉整龙虾上汤伊面，成只大龙虾用到尽，唔会晒！龙虾头原来仲有好多肉，而且佢嘅膏非常鲜味，好适合挂喺伊面上面一齐食😋另外一道十分推介嘅海鲜，系椒盐焗鲍鱼。鲍鱼size好大只，非常厚身。而且焗鲍鱼嘅火候，同时间掌握得啱啱好，完全冇Overcooked，所以食落依然好嫩，一啲都唔会韧！另外亦点咗米水浸白菜，感觉上米水可以清下热，而且健康又带啲味道，唔会太清淡，亦唔会似炒菜咁油腻🙆🏻‍♀️