炊豕店 (加路連山道) (已結業)

星期六同男朋友到炊豕店食晚饭。店舖位于往大球场方向，唔好睇佢唔系位于当旺位置就无乜人，我地差唔多7:30去到坐左一阵就满座，十分旺场。食完成餐饭就明白点解甘多人黎食。食物价钱唔贵，唔需要加一服务费，系铜锣湾黎讲，系平民选择。食物质素亦绝对对得住个价钱，而且份量十足，一定可以食得饱，性价比高。餐牌选择唔多，主要以猪为主。连装饰都写住「我们都是食猪大的」，好搞笑。我地叫左秘制猪扒配胡椒猪肚汤米线、冲绳猪软骨饭、卤水鸡肾、雀巢柠檬茶。秘制猪扒配胡椒猪肚汤米线猪扒果然系招牌，炸得好香脆，唔会只有炸皮但无肉，猪扒都算厚身，而且好大块，摆好耐都仲好够热，劲。米线份量好多，仲有芽菜。冲绳猪软骨饭好大碗，猪软骨虽然唔系腍到无牙都咬到，但甘样可以享受下咬软骨既过程，几好。卤水鸡肾我食到有啲药材味，鸡肾口感软腍，仲有啲酸芽菜。雀巢柠檬茶。