十三少 (已結業)

收工约咗朋友出去食饭，突然好想食酸菜鱼，而且又醒起十三少嘅分店非常多, 所以就同朋友去咗十三少（乐富分店）食饭。呢个地方好就脚，系乐富地铁站一出就到乐富广场。我哋一入座嘅时候，店员就已经将小食奉上，而且佢哋仲好nice，同我哋讲解咗厨推荐师酸菜鱼嘅食法！另外，值得一提嘅系佢哋嘅摆设好得意, 系用真嘅花生放筷子！凉拌土豆丝（前菜）土豆丝大大碟，食落去口感爽口又有香辣味道，作为前菜一流！酸菜鱼 (唔辣)厨推荐师酸菜鱼嘅食法数先系品尝汤后食鱼，而且份量超多！汤底系鱼汤，味道酸辣辣，仲可以饮到鱼汤嘅鲜甜味。因为佢哋选用新鲜鲈鱼再起肉, 每日新鲜熬制，煮得非常鲜甜。鲈鱼每片都大大块，啖啖肉！酸菜口感爽脆，酸度同辣度都刚刚好。十三少蒜香荷叶蟹饭用了蒜、蟹、香葱同荷叶蒸，充满香味，而且好有卖相！一上枱就有好香嘅荷叶香同蟹味，啖啖饭都充满蟹汁同蒜蓉香味, 佢嘅蟹都分支好哂, 同埋劲多蟹膏，啱啱好食到一公一乸嘅蟹，可以食到两种蟹膏，用嚟捞饭食真系一流！！！