King's & Queen's 冰室 (已結業)

有次响西贡出返马鞍山方向果阵..见到西沙路附近有呢间餐厅..又有outside坐..啱晒我哋有时带住只狗仔又可以坐出面chill下。咁咁啱今日放假就去试试佢..虽然夏天，但系夜晚坐出边都唔系话太热同埋都有几部大风扇围住。店员好细心..见到我哋有狗仔都安排我哋坐近风扇𠮶张枱。Menu上有好多唔同嘅镬气小菜选择。见到佢仲标榜系用日本盐，冇添加任何味精。啱晒我哋而家香港人追求食得健康。准香炸子鸡 （半只）一上枱已经闻到好香炸鸡味食落鸡皮炸得香脆..鸡肉肉质好滑，虽然本身都跟咗一碟准盐..不过鸡件本身都腌得够味道架喇话梅汁肉排平时好少见到有话梅汁嘅食物..本身都钟意食啲酸酸甜甜既野..呢一个真系啱晒我。有少少蜜汁嘅感觉..又带有小小话梅既独有香。同个猪扒好夹椒盐九肚鱼平时出边食好多时都系一条条..不过呢度就系一件件既..份量都好多。椒盐做得好好..有D脆米响度..鱼好滑，连埋外皮食，外脆内软啫啫通菜煲去到边都好钟意食呢味𩠌..估唔到呢度都有。好咸香，用嚟送白饭真系一流。