金鶴拉麵 (荷李活道) (已結業)

听朋友讲中环开左间少贵但好好食既拉面🍜今朝上完堂就约左🙎🏻‍♂️去食😄(咁早起身上堂要慰劳下自己麻haha)店舖装修以深色为主都几靓，有bar枱有二人枱，坐得舒服，可以面对面食野倾计除左拉面🍜，佢有10几款小食，仲有肉+海鲜串烧🍢! 以拉面店黎讲都算几多野食😍我地叫左碗<金鹤鸡白汤沾面🍜>一齐食鸡白汤口感好柔滑同有dd泡既味道鲜甜有鸡味，清清地咁，唔系超浓鸡味会腻果种汤👍🏻由于佢个汤系微黏，所以都好挂汤，好好味😋有鸡肉🐔同豚肉🐷叉烧各2片鸡肉质感超特别，佢以低温慢煮既，肉质腍软得黎有d爽口，完全唔似平时d烚鸡肉。食落味道有淡淡鸡味，我觉得唔驶沾个汤已经好好食，咁先食到佢个味道同口感😁个豚肉系半肥瘦，肥肉有油脂香，唔会感觉好油腻，由于佢系薄叉烧，我成块食晒唔驶惊肥haha我地见poster有介绍厚烧鳗鱼，卖相好吸引😍我地叫左一串，即叫即烧! 鳗鱼真系几厚，咬落好juicy啖啖肉，有少少皮脂好香我地仲叫左<日本明太子鸡翼>同埋<煎日式饺子🥟>鸡翼皮热辣辣好香脆，里面既明太子塞到胀卜卜，味道dd辛辣，有烧香鸡味同时有明太子既咸香，调味岩岩好😋。