影片
更多
2008-12-04
6 浏览
近排成日出街食饭, 开始都唔知食乜好喇, 来来去去都系茶餐厅, 中, 西, 意, 法, 日, 台, 越, 港; 终于星期一𠮶日决定吓其他菜式... 就嚟个星马啦!今日得两个人食饭 ( 拍拖嘛 ), 所以叫咗个 2 人 C 餐 $218, 加多个例牌秘制招牌鸡 $40, 我个餐饮系蓝莓益力多沙冰, 而佢就饮咸柠七.2 人餐有: 马拉盏炒通菜 ( 不过因为通菜唔当造, 唔够靓, 所以老板提意改椰菜 ) 巴生肉骨茶一煲 ( 连油炸鬼一碟 ) 阿参鱼头煲 白饭两个 首先嚟到嘅系餐饮, 个蓝莓沙冰酸酸甜甜又够冻, 影真开胃, 正!跟住就嚟个肉骨茶喇, 哗, 煲肉骨茶一到就已经闻到好香嘅药材味, 未食就已经知道一定好保 ( 成日出街食得多味精, 系时候保保佢 ); D 排骨好淋好够味, 虽然个汤就比起我去马来西亚嘅淡, 但以系香港嘅嚟计已经好浓味o架喇, 始终系香港嘛, 梗要就返 D 香港人口味嘅! 再嚟嘅系阿参鱼头煲,
今日得两个人食饭 ( 拍拖嘛 ), 所以叫咗个 2 人 C 餐 $218, 加多个例牌秘制招牌鸡 $40, 我个餐饮系蓝莓益力多沙冰, 而佢就饮咸柠七.
2 人餐有: 马拉盏炒通菜 ( 不过因为通菜唔当造, 唔够靓, 所以老板提意改椰菜 )
巴生肉骨茶一煲 ( 连油炸鬼一碟 )
阿参鱼头煲
白饭两个
首先嚟到嘅系餐饮, 个蓝莓沙冰酸酸甜甜又够冻, 影真开胃, 正!
跟住就嚟个肉骨茶喇, 哗, 煲肉骨茶一到就已经闻到好香嘅药材味, 未食就已经知道一定好保 ( 成日出街食得多味精, 系时候保保佢 ); D 排骨好淋好够味, 虽然个汤就比起我去马来西亚嘅淡, 但以系香港嘅嚟计已经好浓味o架喇, 始终系香港嘛, 梗要就返 D 香港人口味嘅!
再嚟嘅系阿参鱼头煲, 其实我都未食过, 所以更加好奇想知佢点阿参法.
个鱼头好鬼死大, 我哋两个人都只系食到个半, 净返半个都食唔哂; 而个汁就少少辣辣哋, 但食到入面有好多香料味, 有 D 似四川麻辣味, 不过就梗系冇咁辣啦, 而家天气冻冻哋啱哂!
最后就系拍住拖上嘅马拉盏椰菜 & 秘制招牌鸡 ( 呵呵, 好似我哋咁㖞 ), 先讲咗碟菜先啦, 讲真, 马拉盏炒通菜平时食得多, 但系炒椰菜我都系第一次, 出奇地, 马拉盏咸味 + 野味同椰菜嘅甜味好夹得嚟㖞, 睇嚟老板系介绍之前都有谂过work 唔work 架㖞!
秘制招牌鸡, 虽然一嚟就见到𠮶 D 肥膏唔多敢食, 不过话哂人哋个名都叫招牌鸡吖, 梗有返两手o挂, 于是就胆粗粗先食一旧连皮连膏嘅鸡先, 哗 , 超滑呀, 旧鸡真系好鬼死滑o架, 加埋个汁甜甜哋, 好鬼正, 连阿妈整嘅新鲜鸡都冇佢咁滑, 之后再食返旧去皮去膏嘅都一样系咁滑, 系而家新鲜鸡卖到咁死贵嘅时候, 可以将冰鲜鸡做到咁滑令我都忍唔住问老板点先可以整到咁滑, 原来得一个字 " 肥 ", 佢话 D 鸡唔够肥系整唔到咁滑o架, 既然系咁我唯有唔食皮啦, 冇办法, 身型紧要嘛, 一阵我肥到好似只鸡咁男友仔唔要我咪死! ( 但佢又会唔会听完老板咁讲之后, 换另一个角度谂我肥 D 咪滑 D 啰! )
Last 埋单竟然只系 $227, 原来星期一至五有 88 折, 咁又几抵食㖞, 下次大家出街食饭唔知食乜好可以去试吓!
张贴
