正宗山西刀削麵皇

营业中

休息中

今日特登去荃湾想食刀削面，之前都有食过好多次，但系对上一次想食就已经系过年𠮶阵，去到先发现仲未启市，结果白行一趟，估唔到下次再有机会嚟食已经系复活节假期。今日去到唔使等位，坐低咗之后嗌咗碗东坡肉刀削面，先讲一讲个东坡肉，其实只系一嚿肥肉加咗少少颜色，香气同味道全部欠奉。我会评价为完全唔值得叫嘅菜式。面条保持一贯水准，口感唔会过软或者过硬，保持到面条嘅弹性。之后仲叫咗麻辣双拼，今次就叫咗牛肉同埋猪大肠。最钟意其实就系佢个麻辣，包括佢嘅辣椒同埋蒜头，尤其是个蒜头，佢系𠮶种专登切得比较粗粒嘅蒜头，整体嚟讲麻辣双拼都系好出色，其实讲真拼咩都冇所谓。