Lab Made 分子雪糕專門店 (已結業)

唔喺第一次帮衬Lab Made，但新开嘅荃湾店应该最就脚，事关喺小弟出没较多嘅地区之一。不过，是日嚟到，感觉有好多唔同，原来……荃湾店已进化为Café，分子雪糕当然唔少得，更卖埋件装蛋糕及饮品，实在啱晒我哋啲甜品迷，下午茶又多个选择，周六、日有时间可以过嚟迤吓 ！由于店子晌商场中间位，由千色店天桥一直走过嚟就见，啱啱扶手电梯对下，唔难揾。而且，地方颇阔落，有十零个座位供堂食 。从饼柜所见，因为话喺试业关系，暂时蛋糕款式唔多，但做得精致，配搭特别，例如：烤白朱古力海盐蛋糕及香蕉吉士蛋糕，此外，又有啲天然低卡鲜果汽水，都喺下次要一试嘅目标。今期嘅分子雪糕口味有梦之姜饼人、树头蛋糕、圣诞雪人及希腊乳酪雪糕配红酒煮无花果酱，明显前3者都喺为圣诞而推出嘅限定 ，最为欣赏喺Lab Made标榜用料全天然，适合现代人讲求健康。另外，冬日呈献，更推出两款热饮：Lab Made特选Valrhona 热朱古力及姜汁好立克 。 梦之姜饼人 $44 以英式蛋诺雪糕配肉桂同姜饼人，咩叫蛋诺（Egg Nog）?小弟都要请教一下店员，原喺喺蛋酒，不过，既然叫得非酒精嘅蛋诺，当以取其概念，唔会食到酒味。