影片
更多
2023-12-19
92 浏览
又系lunch食好啲嘅时间喇🍽️大家都知喺尖沙咀想食韩国菜系去有韩国街之称嘅金巴利街，不过而家去格兰中心都帮衬到正宗韩国烧烤喇😋Galbi Town 大约8000呎，主打韩烧！餐厅装潢以白色为主调，空间感大之余，感觉仲好hi-end。除咗主打菜，仲有韩式汤同面，而烧肉方面仲有由韩国直接入口，提供全国汉牛协会证书嘅韩牛添🥩食韩国菜，前菜好紧要，点完菜之后就马上送上四款时令前菜，其中莲藕系我第一次食，清清地，口感爽口😋难得有咁靓嘅韩牛供应，贵少少(其实又唔算)都试一次，我地就叫咗韩牛肉眼同韩牛刺身。点选韩牛系会送另外两款前菜嘅，分别系辣酱冻蟹同冰泡菜，冰泡菜第一次食，爽口开胃。上菜喇，先到嘅系韩牛肉眼扒，睇落油花均匀，仲有QR code可以睇到韩牛嘅产地同屠宰日期，再由店员负责烧烤，唔洗怕自己整得唔好食。第一次食韩牛，一食就系1++，原来系肉味浓郁，又唔会太油，亦都易咬，配埋新鲜生菜或紫苏叶，点少少竦酱，非常好味🤤之后就系韩牛刺身同和牛唔同，韩牛刺身系好少油花，入口有香浓嘅肉味，同埋都有嚼劲，唔系入口即溶，反反而可以细味韩牛嘅肉味，对我嚟讲又系一大新尝试。食完韩牛，到食猪喇，呢款系经过腌制嘅
大家都知喺尖沙咀想食韩国菜系去有韩国街之称嘅金巴利街，不过而家去格兰中心都帮衬到正宗韩国烧烤喇😋
Galbi Town 大约8000呎，主打韩烧！餐厅装潢以白色为主调，空间感大之余，感觉仲好hi-end。除咗主打菜，仲有韩式汤同面，而烧肉方面仲有由韩国直接入口，提供全国汉牛协会证书嘅韩牛添🥩
食韩国菜，前菜好紧要，点完菜之后就马上送上四款时令前菜，其中莲藕系我第一次食，清清地，口感爽口😋
难得有咁靓嘅韩牛供应，贵少少(其实又唔算)都试一次，我地就叫咗韩牛肉眼同韩牛刺身。
点选韩牛系会送另外两款前菜嘅，分别系辣酱冻蟹同冰泡菜，冰泡菜第一次食，爽口开胃。
上菜喇，先到嘅系韩牛肉眼扒，睇落油花均匀，仲有QR code可以睇到韩牛嘅产地同屠宰日期，再由店员负责烧烤，唔洗怕自己整得唔好食。第一次食韩牛，一食就系1++，原来系肉味浓郁，又唔会太油，亦都易咬，配埋新鲜生菜或紫苏叶，点少少竦酱，非常好味🤤
之后就系韩牛刺身同和牛唔同，韩牛刺身系好少油花，入口有香浓嘅肉味，同埋都有嚼劲，唔系入口即溶，反反而可以细味韩牛嘅肉味，对我嚟讲又系一大新尝试。
食完韩牛，到食猪喇，呢款系经过腌制嘅猪肋肉，店店员会细心先换铁网再烧烤，酱汁不算太浓，但就好入味，嫩滑多汁又唔油腻。
另外我哋叫咗个大酱汤，有少少辣味，用料十足，用嚟拌饭一流，食到一半，店员仲过嚟教我哋将石锅放喺笼上面暖住嚟食，keep住暖嚟食汤饭，特别暖心。
最尾顺带一提，餐厅采用电子化，用平板电脑落单，点餐后上菜超快，另外韩烧嘅炉头亦采用电子按钮，感觉比较安全，而且炉头嘅抽风口强劲，完全无一般韩烧舖头嘅烧烤味，大家就算去食lunch，食完都唔怕有一阵味咁返公司啦！
张贴
