明閣 (香港康得思酒店)

近排不少酒店餐厅都推出优惠，系个好机会试吓米芝莲得奖嘅餐厅。今次就试吓朗豪坊隔离嘅康得思酒店中菜「明阁」。第一印象真系麻麻哋。因为喺餐厅柜台确认订位时，职员竟然话冇我嘅订位资料，真系O晒嘴。幸好职员都即时安排到枱俾我......环境宁静，枱与枱之间都唔会好迫。至尊蜜汁叉烧我觉得叉烧嘅品质系分别中菜餐厅级数嘅指标，所以第一时间叫碟叉烧。一碟叉烧都有十几旧，几抵食。旧旧都系半肥瘦，口感松软，蜜汁味足够。系高级嘅叉烧呀！如果再烧得香口啲就仲好食啦！鲍鱼鸡粒酥皮挞，必食之选！鲍鱼炆得够林，挞入面有小鸡粒同埋蚝油酱。酥皮好香好松化。成个挞食口感好丰富，一啲都唔干。超好食！瑶柱鲜虾烧卖真材实料有原只大虾，质地扎实。但味道没有太大惊喜。鲍鱼淮山鸡扎清新之选，用黄芽白包住鲍鱼条、鸡肉、淮山片。材料新鲜，唔油腻，但味道较淡。总括而言，合适价钱、宁静环境、真材实料的食物。唔系最最最高级嘅酒店式享受，但想舒舒服服同屋企人食餐饭，明阁都系唔错嘅选择。