築地番本日式放題 (已結業)

今日book左七点钟食番本嘅放题。一入到去已经好多人，不过环境干净企理。 我地根据菜单点左唔多食物，种类几齐全。刺身方面最推介嘅系甜虾，不但食到甜虾嘅鲜甜味外，食落去仲感受到甜虾肉会稍稍黏喺牙齿度，证明几新鲜。而天妇罗炸得松脆，炸粉唔多，仍然食到食材本身味道。寿司方面火炙系列好出色，尤其是火炙三文鱼寿司，食到炙烧的焦香加上逼出黎嘅鱼油香，系追加再追加之选。仲点左几款熟食！ 好浓味 唔会淡！ 食到差唔多的地请职员帮忙开左蒸锅，蒸完嘅虾同贝都好鲜甜，而且size算大，咬落去啖啖肉，系另一种满足。蒸埋肥牛黎食，即刻觉得好有打边炉嘅感觉！ 而店内亦设有甜品区同饮品区，饮品种类都几多值得一赞系佢仲设有常温嘅饮品柜，岩晒唔想饮冻饮嘅朋友。最后食完埋单两个人$480，呢个价钱食到放题加蒸锅好唔错，加上职员服务态度好，甩单情况少！