影片
更多
2024-09-10
262 浏览
不嬲都中意周围试下唔同国家嘅菜，周不时试下新嘢，生活冇咁闷😂Bookmark咗好耐嘅Bedu，今次趁要出城就约咗FD黎试下中东菜🤤安排咗bar枱位比我哋，位置都几阔落，环境亦相当唔错~ 虽然系周末嘅lunch时间，但好快就几乎坐爆，所以大家记得book位~其实未黎之前已经睇好咗要食佢嘅Brunch set，even系weekend都有提供👍 Hummas Bel Laham & Pitta Bread 羊肉烟熏鹰嘴豆泥 & 中东扁包中东扁包真系热辣辣新鲜出炉，店员教落可以直接点鹰嘴豆泥食，亦可以包黎食🤤 羊肉味道几浓但唔会膻，鹰嘴豆泥够软绵，再加上松子仁同埋香草够晒香，配埋中东扁包一齐食真系好正！其实本身望落好似会好漏咁但一啲都唔会🤪Fattoush Salad真系怕漏都唔紧要，有salad可以中和返😆 除咗平时常见嘅生菜、番茄、青瓜等等，最特别系有石榴粒，增加咗不少口感，而且特别清新~Scallop Ceviche 酸柠汁腌带子柠汁腌带子都系第一次试，带子肉厚而且够鲜，加埋青瓜同埋香草酱，口感丰富仲好开胃🫣Falafel 鹰嘴豆炸饼鹰嘴豆饼炸到好香脆，而且都几扎实，配上腌芒果芝麻酱
安排咗bar枱位比我哋，位置都几阔落，环境亦相当唔错~ 虽然系周末嘅lunch时间，但好快就几乎坐爆，所以大家记得book位~
其实未黎之前已经睇好咗要食佢嘅Brunch set，even系weekend都有提供👍
Hummas Bel Laham & Pitta Bread
羊肉烟熏鹰嘴豆泥 & 中东扁包
中东扁包真系热辣辣新鲜出炉，店员教落可以直接点鹰嘴豆泥食，亦可以包黎食🤤 羊肉味道几浓但唔会膻，鹰嘴豆泥够软绵，再加上松子仁同埋香草够晒香，配埋中东扁包一齐食真系好正！其实本身望落好似会好漏咁但一啲都唔会🤪
Fattoush Salad
真系怕漏都唔紧要，有salad可以中和返😆 除咗平时常见嘅生菜、番茄、青瓜等等，最特别系有石榴粒，增加咗不少口感，而且特别清新~
Scallop Ceviche 酸柠汁腌带子
柠汁腌带子都系第一次试，带子肉厚而且够鲜，加埋青瓜同埋香草酱，口感丰富仲好开胃🫣
Falafel 鹰嘴豆炸饼
鹰嘴豆饼炸到好香脆，而且都几扎实，配上腌芒果芝麻酱同松子仁香草酱，中和咗炸饼油腻嘅感觉~ 食到黎呢度发现，香草酱应该系中东菜嘅精髓，几乎每一道菜都会有佢嘅出现，但意外地佢同每一道菜都好夹，个人几中意👍 其实食到黎呢度已经觉得有少少饱，每一道前菜都满满嘅份量，性价比黎讲真系好高
Slow Cooked Lamb
黎到主菜嘅部分，朋友选择咗慢煮羊肉配香料石榴莳萝饭。姜黄饭唔会太干或者太湿口感好好，姜黄适中，而且石榴粒大大提升咗成个饭嘅清爽，慢煮羊肉则非常软淋，而且应该因为切走咗啲脂肪，所以羊肉虽然浓但唔会膻，如果怕羊膻都绝对可以入口。
Chicken Lari
鸡腿肉煮到岩岩好所以肉质相对都几嫩滑，唔会干同硬，而且鸡腿肉应该有提前腌过，所以好入味，再加埋萝卜鹰嘴豆蓉同不可缺少嘅中东辣椒香草酱，令到成个香味another level咁
Chef Ali's Favourite Sorbet
甜品部分拣咗sorbet，芒果味sorbet再配上多款生果，够fresh唔会太甜~
身为爱酒之人嘅朋友叫咗一杯House wine，酒嘅单宁同酸度较低，入口容易，果香味浓厚，带有云呢拿香味。朋友觉得几适合女士或者少饮酒嘅人，佢仲谂住自己买返屋企饮😂
总括黎讲性价比真系好高，如果之后转menu会再试🤤
张贴
