影片
更多
2022-09-10
80 浏览
朋友最近好钟意试新菜系，今次话要带我试印尼菜，而我之前从来未食过，唯一食过既就系印尼捞面🤣，于是抱住好奇心去试。如果唔系朋友介绍，都真系唔会发现呢间小店，因为门面好隐蔽，仲以为只系一间卖小食既舖头，但原来内里就系餐厅，座位大约二十个。班兰鸡尖塔饭($68)呢个系店长推介，班兰饭既颜色好靓，浅浅既绿色，堆成一个小尖塔。附送左一碗汤以及两种酱，一个系甜酱油膏，另一个系带有酸辣味既姜蓉。班兰鸡同海南鸡好似，其实我食完都唔太识分，同样系肉质好嫩滑，美中不足系有小小骨。炸鱼三色饭($158)三色饭系包括班兰饭、黄姜饭，以及椰汁饭，堆成左三个小尖搭，好吸睛。条炸鱼比想像中大条，原条炸完直上，除左鱼外，仲配送左啲蔬菜同特包豆饼，都几丰富。条鱼炸得好香脆，用左好多调料去炸，所以食落唔会腥，食得辣既仲可以点佢配既辣汁，但真系几辣下。鸡肉串烧三串($48)串烧都算大串，鸡肉表面涂上左甜甜地既烧烤酱，就咁食已经好好食。但系！个沙嗲汁好有惊喜，好多餐厅既沙嗲汁好淡又好稀，但佢呢个既花生酱味好浓味又好浓稠，值得一赞。班兰箭叶橙蜜($28) 平时去东南亚国家，成日会食到果种绿色三角形班兰糖，呢杯饮品就系果只味，味
如果唔系朋友介绍，都真系唔会发现呢间小店，因为门面好隐蔽，仲以为只系一间卖小食既舖头，但原来内里就系餐厅，座位大约二十个。
班兰鸡尖塔饭($68)
呢个系店长推介，班兰饭既颜色好靓，浅浅既绿色，堆成一个小尖塔。附送左一碗汤以及两种酱，一个系甜酱油膏，另一个系带有酸辣味既姜蓉。
班兰鸡同海南鸡好似，其实我食完都唔太识分，同样系肉质好嫩滑，美中不足系有小小骨。
炸鱼三色饭($158)
三色饭系包括班兰饭、黄姜饭，以及椰汁饭，堆成左三个小尖搭，好吸睛。条炸鱼比想像中大条，原条炸完直上，除左鱼外，仲配送左啲蔬菜同特包豆饼，都几丰富。
条鱼炸得好香脆，用左好多调料去炸，所以食落唔会腥，食得辣既仲可以点佢配既辣汁，但真系几辣下。
鸡肉串烧三串($48)
串烧都算大串，鸡肉表面涂上左甜甜地既烧烤酱，就咁食已经好好食。但系！个沙嗲汁好有惊喜，好多餐厅既沙嗲汁好淡又好稀，但佢呢个既花生酱味好浓味又好浓稠，值得一赞。
班兰箭叶橙蜜($28)
平时去东南亚国家，成日会食到果种绿色三角形班兰糖，呢杯饮品就系果只味，味道几特别，平时好少会饮到。
箭叶橙混吉蜜($28)
有啲似柠蜜柑桔蜜既味道，但佢比平时好饮，饮完个口唔会太酸，味道几清甜。
PS：虽然全部都系印尼姐姐，但佢地完全识听识讲广东话，沟通落单完全无障碍，大家可以唔洗担心。
张贴
