班蘭葉印尼餐廳

营业中

休息中

初尝印尼姐姐开嘅正宗小店。虽然舖子细小而且座位少比较有压逼感，但全店坐满印尼食客，印尼语布满全场，感觉好有人情味。食物方面 - 烧鸡花胶汤粉皮︰花胶虽然唔系高质素但胜在巨大化，一片已经有本人全只手掌咁长。汤底清新带点微甜，可能因为有配料红枣杞子，十分健康。烧鸡酱汁香浓少许偏咸，外层烧到脆卜卜，半只鸡仔份量劲多。粉条似港式肠粉咁滑，粗条半透明，弹牙软糯，大大碗好襟食。班兰鸡花胶汤粉皮︰鸡肉份量多，胸肉虽然占大部份，但啖啖嫩滑肉质，令人满足。唯一调味唔够，可以更浓味。小食 - 烧牛丸沙嗲︰爆汁烧牛丸浓郁牛味，配偏甜自家烧汁，系比较油腻，但味道胜于脂肪。饮品方面 - 印尼咖啡凉粉冰︰咖啡味唔浓，可能奶嘅份量过多，钟意饮咖啡人士未必接受到。配上软滑凉粉条，增加口感亦减少奶糖甜腻感。总结︰性价比中等，份量多而且味道中等唔差，价位系铜锣湾来说算不错。但要注意上班日未到12点已经坐满印尼姐姐，大家要掌握午膳时间或者提早网上订比。另外一赞，店员有礼貌又好忍耐力。