汀汀烤活魚 (已結業)

上次去过另一分店食过鸡煲, 见到其他枱客都叫烤鱼, 望见好似好吸引. 今次就去西洋菜街分店试吓烤鱼.呢间分店抽风同冷气都比较强劲, 唔系好闻到咩香料味.今次决意食烤鱼, 见到有唔辣嘅番茄薯仔汤底, 心想有多啲番茄薯仔配菜食吓都好. 烤鱼都等咗好耐吓, 之后上枱侍应提示条鱼仲要滚多十至十五分钟先至可以食得. 结果见到个汤再滚起就食咗配菜先, 盘入面有好多番茄薯仔萝卜粟米唐芹芫茜京葱, 滚起清清地都几好味.食鱼初头太肚饿心急食咗最近自己嘅鱼背, 好难夹起. 跟著谂起侍应提过应该先食鱼肚再食鱼背. 鱼肚位置肉比较薄易夹好多. 桂花鱼肉好嫩滑, 鱼身用孜然腌过, 烤过后鱼身更加香膻. 番茄薯仔汤底如果同麻辣汤底比较, 好似麻辣汤底同烤鱼比较夹, 番茄薯仔汤底就清咗啲啲.老公唔多食鱼, 我一个人差唔多KO哂成条, 所以冇叫咁多火锅料打边炉. 皇帝菜未食过, 初头以为有啲似唐蒿, 原来一啲都唔似, 冇唐蒿嘅独特浓烈味, 清清爽爽好易入口, 莴笋片一样清清地似食菜头, 两种菜都好好味. 黑豚肉切得好厚食落有肉味唔鞋又有肉地, 不过就要滚耐啲. 红薯粉滚到透明就已经夹起, 不过质感就淋咗少少, 少咗份