影片
更多
2017-07-06
445 浏览
上星期日男友话带我同D朋友去食水佬荣既航母盛宴火窝, 可能我见识少, 之前都未听过,不过男友知我好钟意食海鲜,见人地介绍话呢度好正, 难得咁有我心,咁就信佢一次啦去餐厅之前有小小插曲,因为我同男友都未去过, 就上Open rice 揾下地址,见到写住上海街37号, 就开google map 揾路啦, 点知去到乜都冇,吓死我,望真D 其实系佐敦道37号, 只系佢连埋上海街, 大家记住唔好去错啊(可能得我地咁白痴)本来约左朋友8:30, 去错地方过返去都9点了. 朋友已经拎左位叫埋个航空母舰,我地坐底就开始等食啦, 等多十分钟左右, 航空母舰就上场了 真系好大盘, 我见到都流晒口水, 最重要D虾同鲍鱼仲郁紧, 好新鲜啊! 侍应哥哥话比我地影晒相先开炉落汤, 我地就拣左个辣汁汤, 好快个汤就滚左, 大家都开始挂住食野, 唔得闲讲野.我试左一啖汤, 唔算太辣,正! 扇贝好大只,好厚肉, 虾都好鲜甜, 我自己最钟意就系只鲍鱼, 真系好鲜味. 蟹都好食,不过我觉得太细只, 肉小左D.食到咁上下, 大家觉得唔够食, 仲叫左一碟牛, 鸡丸同猪肉丸, 牛我觉得好好食, D丸我就觉得好一般啦.最后埋单5个
不过男友知我好钟意食海鲜,见人地介绍话呢度好正, 难得咁有我心,咁就信佢一次啦
去餐厅之前有小小插曲,因为我同男友都未去过, 就上Open rice 揾下地址,
见到写住上海街37号, 就开google map 揾路啦, 点知去到乜都冇,吓死我,
望真D 其实系佐敦道37号, 只系佢连埋上海街, 大家记住唔好去错啊(可能得我地咁白痴)
本来约左朋友8:30, 去错地方过返去都9点了. 朋友已经拎左位叫埋个航空母舰,
我地坐底就开始等食啦, 等多十分钟左右, 航空母舰就上场了
真系好大盘, 我见到都流晒口水, 最重要D虾同鲍鱼仲郁紧, 好新鲜啊!
侍应哥哥话比我地影晒相先开炉落汤, 我地就拣左个辣汁汤, 好快个汤就滚左, 大家都开始挂住食野, 唔得闲讲野.
我试左一啖汤, 唔算太辣,正! 扇贝好大只,好厚肉, 虾都好鲜甜, 我自己最钟意就系只鲍鱼, 真系好鲜味. 蟹都好食,
不过我觉得太细只, 肉小左D.
食到咁上下, 大家觉得唔够食, 仲叫左一碟牛, 鸡丸同猪肉丸, 牛我觉得好好食, D丸我就觉得好一般啦.
最后埋单5个人食左$1600左右, 一人$320, 食得唔算好饱, 我都冇食过咁贵既火窝, 都有少少肉赤,
不过D海鲜咁新鲜, 一次半次食贵D, 我觉得都算值得!
张贴
