初見

营业中

休息中

餐厅：初见地点：旺角上海街菜式：日本菜餐牌：午市餐牌有洋风/汉堡，和风/咖喱饭，锅物，日式豚骨汤面，刺身/寿司，同烧物。价钱大部分都系$100楼下，包热茶/冻饮。另收加一。用QR code落单。铁板炒牛肉粒配炒杂菌椰菜 $80 另加一铁板炒牛肉粒份量唔少，肉质好嫩，肉汁好多，已经调好味，够咸，伴有酱油同酸汁可以再自己调味。炒杂菌椰菜份量更多，椰菜同菇菌同炒，椰菜炒得少少㶶，加上木鱼花系面头，味道好够味，唔会太淡。转赞岐乌冬 加$6 另加一跟餐白饭可以加钱转赞岐乌冬。赞岐乌冬大大碗，汤底似日式猪骨汤底，味道唔错，暖笠笠上枱，乌冬粗身，够滑溜又腍，加有少少粟米粒同昆布添口感。个人觉得加$6抵转赞岐乌冬。奉送面豉汤面豉汤热辣辣上枱，味道刚好，唔会太咸，入面有唔少昆布同葱花。零系可乐（跟餐）零系可乐系罐装。服务员自动送上饮管。今餐好够饱，价钱唔贵。平日午餐时分都唔少人。