龍騰西餐雅座

营业中

休息中

第一次踏足粉岭皇后山，估唔到呢度都有啲好骨子嘅Cafe，人少少，感觉好休闲好舒服！餐厅仲有啲户外嘅位置，我哋见到天气都OK，即刻坐出边。食物选择唔算太多，我哋叫咗一杯咖啡、一个意粉同埋一个甜品。番茄龙虾汁烩海虾扁意粉色香味俱全，仲配左一兜新鲜多汁嘅蕃茄仔。意粉煮得软硬适中，龙虾汁味道香浓，都唔错。焦糖炖蛋系甜品嘅推介，焦糖香脆唔会太厚，炖蛋蛋味香浓，口感幼滑，仲食到云呢拿嘅香味👍🏻👍🏻呢度仲可以带宠物黎，下次约啲有宠物嘅朋友仔可以考虑呢度！