貢茶 (已結業)

呢间贡茶永远都系咁多人，排队落单+等拎野饮共用左十五分钟。第一次试格雷三兄弟，都系贪佢多野食，首先系个仙草冻，大大旧，甜甜地，好滑溜，感觉唔系好实在，我唔系好钟意d无乜咬口既野，所以平时唔会点呢个。中间系鸡蛋布丁，质地比仙草冻实小小，有好浓既鸡蛋味，而且都好大旧下，食极都仲有。底层系我最爱既珍珠，口感烟烟韧韧，煮得o岩o岩好，唔会中间硬心，又唔会煮得太"num"。最后系个奶茶，我其实唔系好分辨到格雷奶茶同普通奶茶既分别，都系有奶味同茶味，一贯好饮水准。