麥當勞

营业中

休息中

今日下午我们行过旺角亚皆老街谂紧想食咩餐𠮶阵，见到「麦当劳」嘅广告牌有新款式嘅包推出咗，所以我们就决定入去食下午茶！我们叫咗东京之夜套餐嘅包系黑色汉堡，脆鸡扒嘅炸粉比较厚身，但肉质都算软滑，再夹埋一块黄金煎蛋同爽脆嘅杂菜丝，令到层次层都几丰富，但日式吉列酱嘅味道就唔系太好，而且有啲怪！芝味蘑菇安格斯套餐嘅安格斯汉堡超级干身，好似一块厚身嘅牛肉干咁，肉味亦比较「骚」，真系令我们觉得好失望！清新田园烤鸡嘅包质都几软熟，烤鸡扒烤得色泽都几金黄，肉质好松软嫩滑，而且肉汁都几多，再夹埋香滑嘅牛油果蓉同新鲜蕃茄片生菜片一齐食，感觉好清新，唔会有好油腻嘅感觉！甜品：朱古力芭菲同士多啤梨芭菲除咗有香甜嘅OREO曲奇之外，仲有一条香甜松脆嘅朱古力条，配上香滑嘅软雪糕一齐食，真系好正呀！