影片
更多
2025-01-17
244 浏览
依家星加坡过江龙嘅雪糕舖终于有机会试。呢一晚同朋友喺附近食饭，所以食完饭就过咗嚟试一试佢哋嘅雪糕。之前上网睇见佢哋嘅味道都几特别，所以打算一试🍦。佢个铺位都装修得几精致，有少少美式雪糕店嘅feel，加啲Modern嘅感觉。不过系舖头如果想坐低食嘅话就要每人叫一件，如果唔系就只可以takeaway🫠。 Takeaway的话唔系太多位置，只系有一个细细地嘅吧枱可以企一企，如果有客人用紧嘅话就唯有喺街度食。佢哋嘅雪糕味道都有啲嘢几特别嘅，而且仲有得试食，我就试咗佢哋嘅Blue cheese and pear同埋Miso味。个Blue cheese and pear味略嫌逊色， cheese味唔系太突出，系有少少啤梨干系入边嘅。而个味噌味，我个人觉得就有少少咸，同甜味嘅雪糕底唔系太夹。我哋最终试咗佢嘅Cookie sandwich🍪 $89 3.5/5⭐️，佢哋嘅曲奇同埋雪糕味都可以自由配搭。我哋就选择咗芝麻Mochi嘅曲奇同埋75%朱古力嘅曲奇配抹茶Mochi雪糕。个芝麻味嘅Cookie比较脆身，而且入边个Mochi非常烟靭，配埋个抹茶雪糕都好夹。而个朱古力曲奇就比较chewy，相对嚟讲就觉得
依家星加坡过江龙嘅雪糕舖终于有机会试。呢一晚同朋友喺附近食饭，所以食完饭就过咗嚟试一试佢哋嘅雪糕。之前上网睇见佢哋嘅味道都几特别，所以打算一试🍦。
佢个铺位都装修得几精致，有少少美式雪糕店嘅feel，加啲Modern嘅感觉。不过系舖头如果想坐低食嘅话就要每人叫一件，如果唔系就只可以takeaway🫠。 Takeaway的话唔系太多位置，只系有一个细细地嘅吧枱可以企一企，如果有客人用紧嘅话就唯有喺街度食。
佢哋嘅雪糕味道都有啲嘢几特别嘅，而且仲有得试食，我就试咗佢哋嘅Blue cheese and pear同埋Miso味。个Blue cheese and pear味略嫌逊色， cheese味唔系太突出，系有少少啤梨干系入边嘅。而个味噌味，我个人觉得就有少少咸，同甜味嘅雪糕底唔系太夹。
我哋最终试咗佢嘅Cookie sandwich🍪 $89 3.5/5⭐️，佢哋嘅曲奇同埋雪糕味都可以自由配搭。我哋就选择咗芝麻Mochi嘅曲奇同埋75%朱古力嘅曲奇配抹茶Mochi雪糕。
个芝麻味嘅Cookie比较脆身，而且入边个Mochi非常烟靭，配埋个抹茶雪糕都好夹。而个朱古力曲奇就比较chewy，相对嚟讲就觉得同雪糕冇咁夹。其实我哋最尾都系将个曲奇同雪糕分开食，因为有啲难去用只手攞嚟当sandwich咁样食😂。
整体嚟讲我觉得个concept都几有趣，但系雪糕嘅味道同埋曲奇嘅质素我觉得未至于非常出色，而且价钱亦都唔平。如果下次经过嘅话都可能会试吓佢哋其他味，但系就唔会特登走上去食。
Cookie sandwich
$89
5 浏览
0 赞好
0 留言
张贴
