地茂館甜品

营业中

休息中

同屋企人食完饭去左食糖水，上网见到呢间口碑唔错，仲有好多港式糖水食，就黎试下，都几多人，要排一阵先入得，而且座位都几学习，好多人快快食完就走，我地都系，费事要街外边嘅客人等咁耐啦。芝麻糊非常浓郁，阵阵芝麻香扑鼻，而且入口好软滑，屋企人赞不绝口。糖不甩Q 弹冇馅汤圆，外面痴满花生糖芝麻，我仔好钟意食，劲快就清左碟。腐竹白果薏米我嗌左冻既，白果薏米口感好烟韧，加埋糖水好清甜，又可以清下热气。椰汁马豆糕紫米糕系唔算太甜，有清新嘅豆香米香，口感唔错。紫米露我老公叫既，佢话好食，紫米煮到岩岩好。要喺九龙城揾甜品，相信有好多间，呢间的确味道唔错，可以有下次。