錦麗 (創紀之城五期(apm))

营业中

休息中

同朋友经过观塘，系度食埋lunch, 佢话呢度有间越南野几好食，仲要有滴漏咖啡，咁梗要试下。佢点左个虾纸卷做前菜，个虾都几大粒同结实（即是唔梅），系唔错既。我点左个杂锦粉，乜都有试下。个汤一般，生牛肉唔错，但系要特别提个牛丸系十万级出色。完全唔系港式牛丸个种咬落去只系一粒有牛味既丸，佢会爆汁😱，仲要牛味劲香浓，我完全可以为左粒牛丸再黎。到左最期待既冻既滴漏咖啡，等啲咖啡滴落黎都要一阵，食完碗面就岩岩好喇。然后就搞匀啲奶同咖啡，倒落去啲冰度。完成。真系几好饮既，都有牛奶咖啡既香浓幼滑。值得一试。