金記冰室 (康怡廣場北座)

营业中

休息中

今次去左試金記冰室，太古一岀地鐵站就係，十分方便，但試個晚係星期五，都多人排隊。試左金牌乾炒牛河，食得出好夠鑊氣，肉同河粉嘅比例啱啱好，仲有芽菜同芝麻襯托。仲試左滑蛋韭王炒蝦仁，即係韭菜炒蝦仁，雖然滑蛋冇想像中咁滑，但好有蛋味，蝦仁比想像中大粒，而且係新鮮嘅。最鍾意就係金磚風沙炸豆腐，外脆內軟，啲豆腐好滑，炸完之後出邊仲加啲椒鹽，成個味道真係好夾。最後係嘢飲方面，紅豆冰比例啱啱好，唔會太甜，紅豆粒粒分明。蛋白杏仁茶，真係好滑，而且真係有蛋白係入邊，飲落好有好口感，鍾意飲杏仁茶嘅，絕對值得一試。