博多拉麵別天神 (已結業)

喺新光戏院睇完戏，一出黎见到对面马路有间食日本拉面叫《别天神》嘅餐厅就入去试下。入座前要喺门口自行㩒飞攞位。店面唔大，全部都系bar枱，适合情侣或二人进餐。先食个前菜「蟹籽小龙虾沙律」。沙律入面真系有几粒小龙虾。旁边摆左紫菜。将蟹籽小龙虾沙律包入去紫菜入面一齐食，紫菜好脆，蟹籽一咬就爆开，好有口感。跟住食个饺子，点埋浆汁食，酸酸的，很开胃。豚骨拉面汤底呈奶白色。有三块豚肉、大量木耳和葱花，还有两只温泉蛋。平时食拉面剩系得半只温泉蛋，成日食完半只都觉得唔够喉，呢度竟然有成只蛋食，真系令人惊喜！面质软硬适中，有口感。