影片
更多
2024-10-17
591 浏览
播紧天与地𠮶个年代，天后店成日排晒长龙黎食佢嘅豆腐花。𠮶阵嘅质素真系几唔错，价钱又合理。自从开左铜锣湾分店之后，见到价钱越黎越进取，甜品款式越黎越多但原本嘅野就整得越黎越差，所以都好几年无帮衬过。今日行经旺角，本身系谂住去食另一间出名嘅Kakigori，点知中途发现呢度开多左间甜姨姨，又见到最出𠮶张枱叫左个开心果刨冰好似唔错，就入左去试。点知就中大伏。。。首先开心果cream好漏。开心果酥入面都系开心果cream，食落系植物牛油𠮶种漏嘅感觉。开心果酱系ok嘅，但系好少，反而开心果汁就好多，佢侧边仲有得俾你补加。但呢个汁真系不得了，本身食紧个冰都发现有苦涩味，唔肯定喺边度黎。一试隔离呢个汁，就发现原来就喺佢度黎，但系成个冰最多嘅配料就系呢个涩汁，认真搞唔掂。至于开心果雪糕。。食落系劣质豆腐味雪糕嘅感觉，质感好生硬，而个开心果味完全系靠个开心果酱钓出黎。老实讲我个人就钟意豆腐雪糕嘅，但你写开心果雪糕我唔expect系咁嘅味啰。然后就到主角 - 冰。不得了，系难食到不得了。开头有开心果酱傍住𠮶啲都还好。但我提过，啲开心果酱就系唔多，去到中段都未到，就已经食到啲冰系淡然无味，净系得开心果汁𠮶阵
今日行经旺角，本身系谂住去食另一间出名嘅Kakigori，点知中途发现呢度开多左间甜姨姨，又见到最出𠮶张枱叫左个开心果刨冰好似唔错，就入左去试。
点知就中大伏。。。
首先开心果cream好漏。开心果酥入面都系开心果cream，食落系植物牛油𠮶种漏嘅感觉。
开心果酱系ok嘅，但系好少，反而开心果汁就好多，佢侧边仲有得俾你补加。但呢个汁真系不得了，本身食紧个冰都发现有苦涩味，唔肯定喺边度黎。一试隔离呢个汁，就发现原来就喺佢度黎，但系成个冰最多嘅配料就系呢个涩汁，认真搞唔掂。
至于开心果雪糕。。食落系劣质豆腐味雪糕嘅感觉，质感好生硬，而个开心果味完全系靠个开心果酱钓出黎。老实讲我个人就钟意豆腐雪糕嘅，但你写开心果雪糕我唔expect系咁嘅味啰。
然后就到主角 - 冰。不得了，系难食到不得了。开头有开心果酱傍住𠮶啲都还好。但我提过，啲开心果酱就系唔多，去到中段都未到，就已经食到啲冰系淡然无味，净系得开心果汁𠮶阵苦涩味。而且个冰完全系无口感可言，Kakigori应有嘅冰屑感觉系完全俾唔到。你叫呢样野做开心果绵绵冰啦卖68蚊啦，你呢啲唔系叫Kakigori，只系一个Kakigori shape嘅棉棉冰。仲要出面好多雪花冰、绵绵冰仲好食啲添。。。虽然出面𠮶啲好多都系人工味道，但你地呢份$148用「真材实料」整左啲咁难食嘅野出黎，我就宁愿俾4，50蚊食人工棉棉冰仲好过。真系非常失望。
而且食到中间有一大堆lotus饼，多到根本唔岩比例。再者呢个饼同任何一款配料都无升华嘅作用，如果将佢整成crumbs效果可能仲好啲添。
已经食左十几旧都仲有咁多 系想点？
109 浏览
0 赞好
0 留言
最后食剩超过一半，钱就已经跌左，无谓要同自己过唔去夹硬食。从未试过难食到要食剩咁折堕。
非常唔推荐呢间嘅刨冰。但其他甜品好多都贵到离晒谱：2件芒果班戟70几蚊，心太软98蚊，咁嘅价位我唔知佢会俾咩质素，如果都系普通野，仲留唔留得住客人？
张贴
