La Bo La (已結業)

呢度环境好正，系一个好chill，好适合happy hour嘅地方，不过我哋今日冇饮酒，专程嚟食呢度嘅越南菜。Mini牛肉汤河，汤底超浓味好正，饮到唔停口，牛肉都有四至五大块，煮到好林好好味，一个细食嘅女仔应该会啱啱好够食。跟住叫咗份炸虾多士，好香口，虾肉好弹牙！仲要叫左份炸豆腐，好似薯条咁一条条，外面仲洒左啲紫菜粉，好似shake shake薯条咁，要来送酒一流。法包有扎肉，仲搽咗好多鹅肝酱，惹味可口。慢煮牛舌非常出色，煮到好林，好肥美。