一喜日本料理

营业中

休息中

一喜门面好靓好多日本摆设，餐牌仲好特别咁用竹牌首先叫左d刺身。将散叫刺身放埋一齐，好靓呀！影左好多相先愿食。赤贝好爽口又大只，海胆包饭好有特式。一板海胆又鲜又香唔会腥，用紫菜包饭食好配合。最欣赏嘅系芥末，鲜磨wasabi 好好食，唔会只系攻鼻，好有口感一粒粒山葵籽好正！黄鲷鱼系今日特别介绍，肉质鲜美而且有鱼味，清爽好易入口，肉质坚韧又渗住鱼香。 小食方面叫左不能抗拒嘅芝麻鸡翼，加左芝麻嘅鸡皮非常脆口！三文鱼腩就皮香肉滑，三文鱼油流出黎会令人流哂口水。两款小食配以柠檬汁入口就更惹味！主食就系京都酱油牛肉锅，系味比较浓嘅汤底，又有甜味，几似寿喜烧。入面和牛真系好嫩。本来以为煮耐左会鞋，但原来唔会呀。食极都好滑，有10几块。个牛肉锅好深劲足料，除左牛肉、流心蛋，仲有椰菜豆腐金菇同水晶面，水晶面索左d汤好入味，饱肚又好食，仲忍唔住饮左几啖汤。