影片
更多
2015-08-05
3689 浏览
周日黎食午市2小时放题，好多野唔满意，但先讲今日见到最惊吓嘅事情：就系食饭尾段，我屋企人去左洗手间，去洗手间会经过佢地厨房，屋企人话见到厕所，厨房都非常邋遢，最核突系个刺身师傅冇带口罩，冇戴手套，一边整刺身一边玩手机！！！ 佢见到后即刻冇晒胃口，想走。我听完后，即刻想把之前食过嘅野呕返晒出黎，一致同意即刻埋单走人，未黎嘅食物都唔再等了。下边由头讲起。我地12点正准时黎到，系第一枱客。坐低后即落左几张单，但第一碟食物送上黎系20分钟之后！第一碟食物只系三件寿司，都要等左成20分钟，再下一碟食物出现系再10分钟之后，系第一次order嘅刺身，即系等第一碟刺身足足等左半个钟！（等20分钟等黎的第一碟食物，寿司正常）等食物期间，黎左好几枱客，大家都系一坐低就落单，但头20分钟都系全部枱冇食物黎。眼见啲师傅好似12点后先至慢悠悠咁准备食材，准备开工。系人都知食放题嘅时间好宝贵，但啲师傅咁嘅工作态度，已经令我对呢间野即时冇好感。另外我订枱时，staff同我讲午市冇咁多人，所以啲位唔会安排到好逼，晚市先至会。点知我地坐低之后，第二枱黎嘅客人，个staff已经安排佢地坐正系我地隔离，同我地嘅枱只有不到
下边由头讲起。
我地12点正准时黎到，系第一枱客。坐低后即落左几张单，但第一碟食物送上黎系20分钟之后！第一碟食物只系三件寿司，都要等左成20分钟，再下一碟食物出现系再10分钟之后，系第一次order嘅刺身，即系等第一碟刺身足足等左半个钟！
（等20分钟等黎的第一碟食物，寿司正常）等食物期间，黎左好几枱客，大家都系一坐低就落单，但头20分钟都系全部枱冇食物黎。眼见啲师傅好似12点后先至慢悠悠咁准备食材，准备开工。系人都知食放题嘅时间好宝贵，但啲师傅咁嘅工作态度，已经令我对呢间野即时冇好感。
另外我订枱时，staff同我讲午市冇咁多人，所以啲位唔会安排到好逼，晚市先至会。点知我地坐低之后，第二枱黎嘅客人，个staff已经安排佢地坐正系我地隔离，同我地嘅枱只有不到一个人行嘅距离。当时餐厅冇其他人。咁我系咪可以认为当初订枱时𠮶个staff系呃紧我？
我知好多放题餐厅都把座位安排到好逼，但见openrice下边唔少食评话金田嘅座位唔会咁逼，这是我选择黎金田嘅其中一个原因。但我眼见午市座位都咁逼，何况晚市？点解会有人话佢啲位唔逼？难道我们不是生活在同一个星球？
继续讲，刺身系冇冰盛载嘅，睇落卖相麻麻地。咁都唔紧要，如果放左冰，有时我反而觉得会搞到啲刺身太冻，食唔出鲜味。呢到嘅刺身食落我只可以话系放题店嘅正常水平，冇雪味，但亦都冇咩鲜味。最有鲜味就系三文鱼，但如果连三文鱼都冇味嘅话，呢间铺绝对可以执得。
刺身试过有啲点左嘅冇黎。有啲我地点两片，佢又俾成六七片。日式炖蛋水汪汪，比蒸水蛋仲多水，但这已经系当日最好味嘅食物（仲有三文鱼刺身）。
我order清酒煮青口，但佢地话今日冇青口，黎左清酒煮蚬，都冇所谓。但无论系蚬同汤，全部冇酒味。
烧物，无论系串烧，铁板烧定盐烧，无论系烧鱼，烧牛，烧羊定烧鸡，一律系好似从油入边浸出黎咁，油到飞起！比其他放题店都油。我用餐巾纸吸油都用左成包餐巾纸。食烧物我第一次系冇样想encore的，因为全部都太油。
（食左一啖就油到唔想食）我唔食炸野，唔评价佢地嘅炸物同天妇罗。
成个放题途中，上菜慢系不变嘅定律，我同staff催过几次单。中间有几段冇食物黎，坐系度呆等。枱枱都有呢种情况。啲服务员（除左有个女仔好啲），其他人望落全部都系冇心机咁，你同佢要咩野，催单，佢地全部好似都不乐意做野咁！面上全部冇笑容，个个木口木面。我又唔明点解openrice咁多食评话佢地服务好。 难道我地不是在同一个星球？
我食放题系第一次食到半饱就想走，当时只系1点15分，如果从佢上第一碟食物12点20几分计起，即系唔到一个钟就想走。
但点解未走？因为我第二轮落单时落左个泡菜海鲜锅，同个汤乌冬（我今日好想食乌冬），佢到宜家都未黎，已经催过三次，第三次催后，我再问返个staff，佢先话“唔系漏单，系太忙未整，要再等等”。
放题店嘅厨房应该系唔同师傅负责唔同line挂，刺身order就负责刺身嘅师傅做，烧物order就负责烧物嘅师傅做，锅物就应该系负责锅物嘅师傅做。但眼见全场冇人食紧锅物，咁锅物师傅做紧乜？应该系其他line嘅师傅“兼职”做锅物，但另一类食物佢未做完，就唔做锅物住，搞都全场都冇锅物食，咁都得？！
最后等到1点30分，泡菜海鲜锅终于黎了（其他枱嘅锅物都系宜家先上），但个汤乌冬都系未黎。泡菜海鲜锅，材料一般，泡菜青菜很多，海鲜只系三个好大腥味嘅熟帆立贝同两条人造蟹柳。汤底还可以，但不敢饮太多，惊味精重。
在等呢个锅嘅期间，屋企人就去左洗手间，就见到我前边提到的今日最惊吓嘅一幕，讲多一次：厕所厨房污糟到极，刺身师傅冇带口罩，冇戴手套，一边整刺身一边玩手机。屋企人去完洗手间返黎，我正食紧刚黎的泡菜海鲜锅。佢话：“等你食完，我同你讲样野”， 我一听心知不妙，话“你宜家讲啦”，佢就将所见话我知。我听完就系想呕返晒所有食物出黎。我们决定唔食了，未黎嘅乌冬，同埋再次encore嘅三文鱼刺身都唔等了。埋单走人，当时系1点40分。一毫子tips冇俾。食后感就系: 呢间店冇样好，真系唔明点解仲咁多人赞佢呢样赞佢𠮶样。同佢隔一条街，有间同样大热嘅放题店, 两者相比，我觉得金田在各方面都差几条街嘅水平。就呢种食物质素，呢种上菜速度，呢种食物卫生，绝对blacklist，永无下次。
张贴
