七輪燒肉 (已結業)

七轮烧肉可能算系西环区少数主打日式烧肉既餐厅，加上喺正地铁站出口对面，当日都唔少客人。我地点左二人餐，$388加一。包括一个沙律，二个小菜，烧肉（牛、鸡、猪），一种蔬菜，饭，甜品。除左甜品之外，都可以选自己钟意既款式。沙律拣左和风沙律，蕃茄个酸甜度balance得好好，同埋够冻，好开胃！小菜分别系鸡肝，同埋大根牛舌。鸡肝够香辣，牛舌又好稔同入味！ 食完前菜都饱左一半咁主角牛肉登场!每款有四块，全部都有腌过，不过肉质一般，冇咩牛味。但系呢个价钱都唔会太高期望。鳗鱼饭都够饱肚，每一啖都食到鳗鱼既，同埋用石锅上，所以有饭焦添！最后甜品系雪糕一杯。总括黎讲，反而觉得前菜同埋鳗鱼饭好味过牛肉，但明明黎呢度系想食烧肉架嘛lol 不过以呢个价钱黎讲，CP价都算高。