悦 私房菜 (荃灣廣場) (已結業)

其实算系非常有惊喜嘅晚餐！虽然小小贵，但我觉得物有所值。素鹅为冷盘。内容物爽口甘香，腐皮幼滑，同一般较香口嘅有分别。几唔错嘅头盘。虾胶豆腐嘅配搭好好。香口又浓郁。我地两个人一人要食3旧其实...非常非常饱😂。不过系好味嘅。多啲人先叫会好啲。个香葱带子炒饭正呀！多葱控必食！每一啖都系浓浓嘅葱味，饭粒粒尚分明，炒得够火候之余，碟底亦见唔到有多余嘅油，足见厨师功架。好多瑶柱，好多虾干，令一个平凡嘅杂菜煲充满住海味嘅咸香味。