豆乳狂人 (已搬遷) 新店位置

食完晚饭同屋企人散步去左河畔花园，经过呢间豆乳狂人见到大排长龙，提供多款豆乳产品、豆浆、小食等等，好吸引!一于外卖糖水同屋企人返屋企慢慢叹~手工特浓豆乳足足有十款口味拣，小黄瓜、桃胶、粒粒香芒等创意十足。豆味芝士奶盖豆乳茶上网睇相好吸引，配料够哂丰富，有咸香浓厚既豆味芝士奶盖、弹牙烟韧既手工白玉；茶底系清香冻顶乌龙茶配特浓豆乳，底层仲有滑溜豆乳布丁，面层再洒上手工黄豆粉。大大杯劲饱肚，影相打卡一流，劲滋味!椰奶多芒杨枝甘露有齐芒果、柚子肉同西米，芒果份量十足，又香又甜好多汁；柚子肉清甜无渣、西米烟韧够Q弹，落埋椰奶口感仲特别香滑唔会死甜。坚果芋泥豆乳豆花估唔到豆花可以配坚果+芋泥，出黎既效果好有惊喜!大量坚果好有嚼劲，芋泥够软滑、豆乳又好滑溜。手工黑糖鲜奶桃胶桃胶弹牙有咬口，含丰富胶原蛋白，养颜又润燥，特别适合女士们！手工黑糖醇厚清香，配浓醇鲜奶，成个组合好夹～三色芋圆 自选配料，可以任选三款，拣左凉粉、桃胶、芋圆。滑溜豆花再配清凉凉粉特别夹，桃胶软糯爽口，芋圆Q弹带有嚼劲。屋企人同我好满意各款甜品，难怪成日行过都大排长龙，值得一试再试～