E FOR EGG

营业中

休息中

等紧去围方戏院睇戏嘅时候，search附近餐厅就见到呢间cafe，嘢食望落几特别，而且有我想饮嘅特色咖啡就嚟左！当日星期六中午，所以去到都要排一阵队，不过都好快有人交枱，等左约15分钟就可入座。招牌奶盖咖啡 & 桂花拿铁同朋友各自嗌左一杯share饮，当中招牌奶盖咖啡真系令我地都十分惊喜，首先闻嘅时候有阵阵好香嘅咖啡味，饮落好重Bailey's味，但又多左奶盖令口感层次更丰富，而且咖啡好滑，甜度适中，我觉得系嚟呢间餐厅必饮嘅嘢。不过佢含酒精，如果对酒精敏感嘅朋友就唔啱饮啦！而另一杯桂花拿铁都用上真材实料，饮落淡淡桂花香，好清新宜人，适合唔钟意太重咖啡味嘅朋友。Double芝士猪柳盒子吐司首先toast有好香嘅牛油味，一啲都唔dry，加埋咸香嘅猪柳、双重芝士同滑蛋超好食，本身滑蛋已经有微微调味，所以唔洗额外再加调味料。期间限定 - 日式炙烧猪颈肉配溏心蛋 猪颈肉烧得啱啱好，肉质一啲都唔嚡，带有少少油脂边令佢食落口多左阵油香味，小菜无论系泡茶定蛋丝都十分好送饭，系健康又有营养嘅菜式。