心之食堂 (裝修中)

餐厅位于大厦嘅12楼，近地铁站够方便。日本菜食得多，但依间餐厅有好多新搞法新菜式，系其他日本餐厅冇嘅。侍应会俾本餐牌簿你，再用marker笔mark低想叫咩，够环保。而且侍应服务好好，环境坐得舒服。心之火焰铁板牛柳串($88)，上枱个阵用火枪烧，好震撼。牛柳每串有4件，焦焦地嘅外层，肉嫩唔会食到痴牙，而且好多肉汁。仲有大大件薯角，热辣辣，菠萝烧过之后，更甜。心之蛋卷($88)，入面包有三文鱼、蟹籽及芝士，蛋卷非常厚，而且啖啖都食到馅料。配搭沙律酱及蕃茄酱食，就惹味好多。邪恶包(1件$38，图为2件$76)，依个菜式必叫。2件带子鲜甜，夹住嘅鹅肝煎得好香，d鹅油逼哂出黎，一边食一边滴d油汁出黎。仲有块紫菜包住，唔会食到好‘轮尽’。彩虹卷($68)，入面卷住嘅炸虾就算放耐左先食，依然脆，而且蟹籽沾满寿司饭，仲有青瓜、牛油果及黑鱼子，加埋沙律酱，一流。京葱鸡肉串2串($40)，淋上烧汁嘅鸡肉烧完之后，肉质冇得‘鞋’，鸡肉仲系滑，而且甜甜地好入味。配烧香左嘅京葱一齐食，够清新。紫薯甘栗饼($36)，餐厅嘅炸物好有水准，依个炸饼放耐左先食，同样依然外层好脆，重点系炸皮好薄。内馅仲系好热添，满满嘅