冰雪公主 (已結業)

今晚我们去咗荃湾享和街嘅「冰雪公主」食晚饭同甜品！我们叫咗蕃茄肉酱芝士蛋石锅饭同泡菜鸡翼石锅饭嘅饭好腍身，所以一啲饭焦都无，鸡翼煎得好干身，芝士肉酱感觉比较腻！士多啤梨牛奶卷嘅糕质非常香滑松软，中间嘅忌廉相当软滑，士多啤梨同牛奶嘅味道超香甜！绿茶红豆千层蛋糕系用超薄身嘅绿茶班㦸一层一层咁舖砌而成，中间夹著香甜嘅红豆蓉同软滑嘅忌廉，味道唔会过甜，真系好好味！士多啤梨多士嘅多士烘得好香脆，面层有一球雪糕，再舖满香甜嘅士多啤梨酱，两块多士中间夹著烟烟韧韧嘅年糕，口感同层次感极之丰富！焦糖爆谷雪糕嘅爆谷相当新鲜香脆，焦糖嘅味道非常香甜惹味，配埋香甜软滑嘅雪糕，爆谷亦唔会变谂，而且份量十足！店内嘅环境装修好光亮同舒适！另外！他们仲相当贴心，提供多款游戏畀人客等待嘅时候解闷！