劉興記生煎包專門店

营业中

休息中

餐厅：刘兴记生煎包专门店地点：上环文咸东街菜式：上海菜餐牌：皇牌推介、健康菜饭类、汤面类、拌面类、蟹粉类、小食类、凉拌类、饼类、饮品，都有人气热卖皇牌套餐。人气热卖皇牌套餐可以选择唔同配搭加唔同数量生煎包。麻酱手撕鸡丝粉皮 + 生煎包2只 $54生煎包生煎包热辣辣上枱！一咬入去就爆汁，而个汤唔会太油，啲肉都鲜，份量唔少。个底好脆，面头洒上黑芝麻粒。可以加枱上面黑醋食，更好味又可降温。麻酱手撕鸡丝粉皮麻酱手撕鸡丝粉皮好大碗。粉皮份量最多，质素正常。加有幼条青瓜丝同粗鸡丝，洒上白芝麻粒。叫左麻酱另上，自己加最好。皇牌套餐奉送豆浆一杯。豆浆用茶杯装，系冻嘅，都几好饮。袐制上海炸排骨 $22袐制上海炸排骨多得夸张，一开7/8件，炸得外脆内嫩，瘦多肥少，肉质好嫩，超多肉食，一级棒。蟹黄生煎包 $18 一只另外多叫两只蟹黄生煎包食食。蟹黄生煎包真系有好多蟹糕同蟹肉喺入面，面头加上黑白芝麻粒。总括而言，呢度生煎包多汁又脆底，其他食物质素都唔错，炸排骨特别好食。平日午餐时间好多人，好多外卖单，入面有堂食位十几个。