大師兄銷魂麵舖

营业中

休息中

同姪仔揾食，想揾间快靓正，见呢间唔驶排队，就入左黎食。食物呢度餐牌主要喺分辣同唔辣，我地各样一个。觉得个捞面系几好味几有咬口，但都有小小辣架，怕辣嘅人可能就要同返店员讲声走辣。一个餐主要有三样野——面、汤牛肉、配菜，至于点样食，就要靠自己睇下台角果啲好细粒嘅字。如果唔够眼力睇，其实都可以按自己喜好食，将汤笔落面又得，将面笔落汤食又得。服务同今时今日好多铺头一样，明明QR Code自己落单，你冇同店员讲过几多句，水又冇，但都系要比加一服务费。环境台同台之间都系好近，靠墙坐的话就可以放野喺长椅。打对面果个就冇椅背，老友记就唔系好啱坐。试一次冇坏，唔好抱好高期望就得，再返黎食就未必啦，因为都觉得唔系好值三位数。