居食屋「和民」 (1亞太中心) (已結業)

以前中学读书年代，感觉「和民」属于中高档餐厅，果时间中都会去食下，印象中食物质素系对得起价钱。近几年都冇食过，今晚收工就同男朋友去缅怀下，点知食到一肚气！先讲环境，餐厅灯光比较暗，个座位仲有d食物碎，枱底仲有一滩水，真系好扣分。厚烧玉子一粒星都唔想俾ge系列！薄切厚烧玉子？！一上枱，我同男朋友9秒9互望，unbelievable！！！一睇个蛋ge颜色就知出事，食落一d蛋味都冇，仲要孤寒到切到咁薄！食到我怀疑人生…咁就要＄35！呢个价钱不如去茶记食个常餐，又或者买碗谭仔… 石锅黑椒牛肉饭又系一粒星都唔想俾系列… 份量真系好少，重点系唔够热！搅到d牛肉食到最后都熟唔哂，真系未食过会唔够热的石锅饭！完全冇黑椒味！完全冇饭蕉！食完都唔够饱！牛肉寿喜烧呢个寿喜烧等左差唔多半个钟，仲要催单先有。份量正正常常，里面有肥牛、什菜、菇和一只蛋。我同男朋友都觉得个汤底太甜啦，食完仲好口渴。就咁一个锅当然唔会饱啦，所以再追加左个乌冬，埋单先知追加乌冬多谢你＄35！无论环境、卫生、服务、食物质素都好唔掂，劣评无误 。