影片
更多
2020-07-18
2187 浏览
好啦，第一次写食评就写俾呢间餐厅。话说叫外卖，夏天想食清淡D所以两人叫了牛肉紫菜包饭同韩国冷面。送外卖时间算快，约半小时便到，但打开冷面盒一！股！酸！臭！味！面的配菜只得可怜的半只蛋、一片肉、几块青瓜同出奇地多的腌萝卜，面本身已经凝固成一饼野。呢碗野盛惠$108。至于牛肉包饭，只能话放得入口，超级市场熟食部卖的$4x都好食过佢。一般食开的韩式紫菜包饭都有的基本配菜呢度居然无出现，取而代之有西生菜同蟹柳，味道普通但起码唔「宿」，两个人的晚餐唯有靠佢，盛惠$78。我自认一直系个卑微的食客，唔要求餐厅几高水准，我夜晚叫外卖无非想医肚，大佬你俾啲咩黎，我觉得自己惨过做狗。。。大家如果要选择食呢间请三思，先评估一下自己可以承担几多风险，试定唔试，食得落先好试🙏
话说叫外卖，夏天想食清淡D所以两人叫了牛肉紫菜包饭同韩国冷面。送外卖时间算快，约半小时便到，但打开冷面盒一！股！酸！臭！味！面的配菜只得可怜的半只蛋、一片肉、几块青瓜同出奇地多的腌萝卜，面本身已经凝固成一饼野。呢碗野盛惠$108。
至于牛肉包饭，只能话放得入口，超级市场熟食部卖的$4x都好食过佢。一般食开的韩式紫菜包饭都有的基本配菜呢度居然无出现，取而代之有西生菜同蟹柳，味道普通但起码唔「宿」，两个人的晚餐唯有靠佢，盛惠$78。
我自认一直系个卑微的食客，唔要求餐厅几高水准，我夜晚叫外卖无非想医肚，大佬你俾啲咩黎，我觉得自己惨过做狗。。。
大家如果要选择食呢间请三思，先评估一下自己可以承担几多风险，试定唔试，食得落先好试🙏
张贴
