影片
更多
2022-08-12
165 浏览
话说今日路过大壹见到入面食客都几多，网上面嘅食评都唔错，咁我就入去试下佢咩料啦。入到去我地叫咗2个茶餐，一个系叉烧油鸡濑，另一个系烧鹅烧腩仔濑。本来抱住好大期望的，但嘢食一落到枱就知道今次中伏了，我怀疑写食评𠮶啲人有8成系假🙂或者系我食下午茶所以餐厅俾d下栏嘢我地。首先讨论下第一个餐(叉烧油鸡)，叉烧总共有6旧但其中4旧系㶶到黑哂 完全系致癌物咁。同埋我冇叫要肥叉，但d叉烧肥到似食紧烧肉咁，起码8成都系肥肉🥹。之后讨论下个油鸡，一睇只色就知唔入味架喇偏浅色再放落口，大获了柴到似汤渣，完全冇夸张真系汤渣啊。再讨论下第二个餐(烧鹅烧腩仔)，烧鹅份量细得3旧，其中两旧仲要皮(食鹅紧系食佢个皮架啦，最重要嘅嘢竟然冇)，食第一啖已经发觉个烧鹅咁奇怪嘅，咁烟韧嘅，冇睇错啊系用烟韧黎形容佢🙂好似食擦子胶。最后个烧肉皮肉分离又系想点？特别嘅摆盘？我真系唔识欣赏㖞大佬，咁都出得俾客你地又真系几犀利。不过味道算系最正常，比起方间其他烧味舖偏淡 冇咁咸。我唔知系咪因为自己黑仔先遇到啲咁嘅情况，定系佢下午茶真系俾下栏嘢。希望大家唔好中伏啦，最后埋单2个人110食下栏嘢🙃
入到去我地叫咗2个茶餐，一个系叉烧油鸡濑，另一个系烧鹅烧腩仔濑。本来抱住好大期望的，但嘢食一落到枱就知道今次中伏了，我怀疑写食评𠮶啲人有8成系假🙂或者系我食下午茶所以餐厅俾d下栏嘢我地。
首先讨论下第一个餐(叉烧油鸡)，叉烧总共有6旧但其中4旧系㶶到黑哂 完全系致癌物咁。同埋我冇叫要肥叉，但d叉烧肥到似食紧烧肉咁，起码8成都系肥肉🥹。之后讨论下个油鸡，一睇只色就知唔入味架喇偏浅色再放落口，大获了柴到似汤渣，完全冇夸张真系汤渣啊。
再讨论下第二个餐(烧鹅烧腩仔)，烧鹅份量细得3旧，其中两旧仲要皮(食鹅紧系食佢个皮架啦，最重要嘅嘢竟然冇)，食第一啖已经发觉个烧鹅咁奇怪嘅，咁烟韧嘅，冇睇错啊系用烟韧黎形容佢🙂好似食擦子胶。最后个烧肉皮肉分离又系想点？特别嘅摆盘？我真系唔识欣赏㖞大佬，咁都出得俾客你地又真系几犀利。不过味道算系最正常，比起方间其他烧味舖偏淡 冇咁咸。
我唔知系咪因为自己黑仔先遇到啲咁嘅情况，定系佢下午茶真系俾下栏嘢。希望大家唔好中伏啦，最后埋单2个人110食下栏嘢🙃
5 浏览
0 赞好
0 留言
张贴
