裕興咖啡 (已結業)

早起的鸟儿有虫吃。呢朝一早黎到裕兴，就系为左食佢既三文治。都咪话唔巴闭，佢地既三文治系量产既，试过好多时九点黎到都卖晒，唔特登早起身都无得食。另一个巴闭嘅地方就系，由你落单到整好有得食通常都起码半个钟，即叫即做，姐姐一坐低就会好有礼貌咁同你讲要等几耐，你可以自己决定等定系唔等。讲好规矩之好，可以讲野食啦。佢哋主打嘅有面同埋三文治。食咗咁多次，每次都话下次要试下个面，不过次次去到都忍唔住都系叫返三文治。佢地既三文治配料都系平时个d，不过所有三文治入面都会有椰菜同花生酱。系邪恶嘅花生酱！我叫左芝蛋牛治，一黎到热辣辣，有爆多花生酱同芝士漏出黎，食既时候甩头甩髺，因为真系太多馅料。所有味道都好夹，蛋牛咸咸地，花生酱甜甜地又真系好香，椰菜好爽口，成件事真系好过瘾。大啖大啖咬入口，好快就食完。仲有杯奶茶，不错的，够滑够有茶味。食完个呢度既早餐真系好满足，系我每次黎开中环都必定会打卡既地方。