築地EbiKin拉麵 (已結業)

本来想去苏豪食越南粉，点知撞正公司高层，薯蓉队长为免食到周身唔志在，于是行落d继续揾食，见到对面马路有间红当当既餐厅，好抢眼，于是冲左入去食。被安排坐系bar台，见到眼前有几棵写住「博多葱」，咦！叫个香葱拉面先，本来想食猪骨汤拉面，不过落单时，侍应讲左句「我地呢到出名食虾汤，要唔要试下？」好啦，转駄食虾汤！碗面一放系面前已经闻到好大阵虾味，而且碗面比我想像中多葱，钟意食葱既就觉得好正，因为可以啖啖汤都有葱，饮一啖汤，入口已经好大阵虾味，不过佢就唔系浓汤果种好杰身既质地，所以虽然第一啖好浓虾味，过左阵已经好似无晒味。要赞一赞个面，我拣左普通面身，煮得刚好，唔好过硬/太软，而且无皂水味（系呀，试过食一碗劲种皂水味既日本拉面😰）同埋佢个汤都唔系好油，唔会食完好滞。原来佢有杯面出，不过唔知香港店有无得卖呢？