龍門冰室 (已結業)

好耐无嚟过屯门喇，之前听朋友讲依度好多嘢食，今日入左嚟探个朋友，顺便嚟依度食个扒先！ 一去到门口就见到好多牌系度，真系好多选择啊，装修就好有旧式冰室feel，最啱我地依啲中意老香港既人！ 食品既种类真系有好多啊，听朋友介绍叫左个杂扒餐食，跟餐个罗宋汤好足料啊，好小可餐汤有咁既质素！ 主菜个杂扒餐果然无令我失望，一黎到仲系滋滋声既，一落汁之后啲香味涌晒出嚟，价钱咁抵食但系用料一啲都无欺场，全部都大大件，连薯条都系即刻炸过既，无得顶！ 芝士焗西兰花都好出色，煮既时间刚刚好带小小㶶，略嫌芝士吾够多，所以下面果啲吾太够芝士味！ 饮品既选择都有好多，食完煎炸嘢就梗系饮返杯咸柠七啦，青柠原只上所以好够味，下次黎再试下童年回忆黑牛先！