蟹仙海鮮私房．蒸氣石碢 (環海大廈)

营业中

休息中

今次请朋友食生日饭，拣咗呢间蟹仙，真系超中伏，失望到爆。首先，餐厅位置极之偏僻，要行一大段斜路，又或者经过一个超暗兼污糟嘅楼梯，先可以去到，过程劲辛苦，行到上去已经热到爆，流晒汗🙂‍↔️入到餐厅，环境残旧，灯光昏暗，完全唔似可以好好庆祝生日嘅地方。我哋叫咗$498一人嘅尊贵海鲜餐，点知大失所望。海鲜一啲都唔新鲜，份量少得可怜，食完简直好似冇食过嘢咁。最令人惊吓嘅就系最后个粥。食完先知，原来啲饭一路黐喺个锅底。而事前餐厅仲用同一个锅嚟蒸碗碟同餐具，真系好污糟。个粥卖相核突，味道亦唔好，完全冇海鲜味，得浸咸味，食咗几啖就完全唔想再食。朋友虽然冇讲啲咩，但我都觉得真系嬲嬲地，呢间餐厅绝对唔会再嚟，亦会叫朋友都唔好嚟试。