餃里 (悅湖商場) (裝修中)

呢间喺湖山新开嘅饺子外卖店，我已经唔系第一次帮衬，上次经外卖APP买煮好嘅用Lunch觉得好好食，今晚一于外卖生饺返屋企打边炉俾屋企人试吓！舖仔细细但入面都好多姐姐喺度密密手包新鲜饺子，三点几嚟到都几多人帮衬吓，我柯打咗三拉生饺，大概等咗5分钟左右，都好快手！包装好精美，啲饺一粒一格，亦落咗好粉喺盒入面，所以啲饺唔会黏埋一整，好方便处理。【椰菜鲜肉饺】呢间啲饺大大粒，全部都好饱满，真系做到「皮薄馅靓」！啲馅亦好足料，新鲜爽甜嘅椰菜同猪肉好爽，真系饺子中实冇死嘅稳阵基本款，人人都啱食之选！【泡菜鲜肉饺】泡菜款都系店家嘅推荐，我曾经都买过急冻嘅韩国货打边炉，不过买过几个牌子嘅急冻饺都十分容易散开，搞到啲饺子皮黏底好烦。但呢间啲饺完全唔会散，掂呀！泡菜饺酸酸辡辡好好食！泡菜份量都几多，好足料！【咖喱鲜肉饺】咖哩饺嘅咖哩系港式口味，原来以为阿爸会比较钟意传统嘅椰菜饺，点知佢大赞呢款咖哩饺㖞，哈哈！三款饺各有特别，食多啲都唔会闷。其实佢有款芝士栗米饺都超好食，不过比较适合煎嘅，今次系打边炉都冇买到。另外，佢啲辣菜甫都相当好食，都几辣㗎！