影片
更多
2020-05-29
961 浏览
好钟意食海鲜，而大头虾更是my favorite ,今晚我就要挑战自己，睇下可以食到几多只大头虾。餐厅环境开扬光猛，干净舒适，近窗位置的一片绿色植物，令人感觉放松，心情愉快。两个大鱼缸中布满游水生猛大头虾，非常壮观，真系好吸引!急不及待捉左大头虾先。捉左大头虾后一定要放入冰水过一过“冷河”，等只大头虾晕左先，如果将只虾直接放上烧网上，只虾就会跳番出黎，千祈唔好呀!成个炉放满大头虾，真系好壮观，好诱人，好想快D食呀!大头虾非常大只，真系有我手掌咁长，肉质非常结实弹牙，好鲜甜，而虾头超大，D虾膏多到呢!又浓郁又甘香，好正呀!真系好食到停唔到口。食左一轮大头虾，系时候食吓其他嘢。每枱限定每人一只鲍鱼和美国和牛一片, 鲍鱼口感又软又腍，非常鲜甜弹牙。美国和牛好大片，虽然薄薄地，但油脂分布非常平均，油花好靓，牛味浓郁，入口即溶，好美味。放题区原来仲有好多好嘢食，带子， 象拔蚌仔和蚬任攞任食，全部都非常新鲜，质素颇高。象拔蚌仔肉质爽脆鲜甜，好正!带子肥美，肉质厚实，口感烟韧，加埋泰式酸辣汁更加惹味。蚬肉肥嘟嘟，胀卜卜，肉质嫩滑甜美而带海水咸味，好正。除了海鲜，仲有烧烤区，有肠仔，鸡翼，牛扒，猪扒，
餐厅环境开扬光猛，干净舒适，近窗位置的一片绿色植物，令人感觉放松，心情愉快。
两个大鱼缸中布满游水生猛大头虾，非常壮观，真系好吸引!急不及待捉左大头虾先。
捉左大头虾后一定要放入冰水过一过“冷河”，等只大头虾晕左先，如果将只虾直接放上烧网上，只虾就会跳番出黎，千祈唔好呀!
成个炉放满大头虾，真系好壮观，好诱人，好想快D食呀!
大头虾非常大只，真系有我手掌咁长，肉质非常结实弹牙，好鲜甜，而虾头超大，D虾膏多到呢!又浓郁又甘香，好正呀!真系好食到停唔到口。
食左一轮大头虾，系时候食吓其他嘢。
每枱限定每人一只鲍鱼和美国和牛一片, 鲍鱼口感又软又腍，非常鲜甜弹牙。美国和牛好大片，虽然薄薄地，但油脂分布非常平均，油花好靓，牛味浓郁，入口即溶，好美味。
放题区原来仲有好多好嘢食，带子， 象拔蚌仔和蚬任攞任食，全部都非常新鲜，质素颇高。
象拔蚌仔肉质爽脆鲜甜，好正!带子肥美，肉质厚实，口感烟韧，加埋泰式酸辣汁更加惹味。
蚬肉肥嘟嘟，胀卜卜，肉质嫩滑甜美而带海水咸味，好正。
除了海鲜，仲有烧烤区，有肠仔，鸡翼，牛扒，猪扒，鱿鱼等，净系鸡翼都有6款，有麻辣， 孜然，咖哩,蜜汁，南乳和柠檬味，我都试左4款，鸡翼肉质嫩滑又juicy, 味道腌得好入味，真心觉得好正!
熟食区还有泰式凤爪，台湾肠仔，炸物，关东煮，汤等，各式其式，由于我主力都系烧海鲜，所以熟食区的食物我基本上完全无食过。
饮品方面，饮品柜除了有纸包，罐装汽水，日本有汽果汁外，还有乌龙茶，凉茶和可自制花茶。
由于甜品都吸引，所以决定留左少少位置俾个胃食埋甜品，除了西瓜，还有奶冻，布丁，Tiramisu，仲有雪糕波波球，真系大满足。
食左甜品，真系估唔到自己仲要食埋最后一round大头虾和蚬，总计我食左14只大头虾，8只带子，6只象拔蚌仔， 真系破哂纪录，今晚真系食得好开心。
张贴
